Qostanaı oblysynda astyq jınaý naýqany aıaqtaldy

QOSTANAI. QazAqparat – Qostanaı oblysyndaǵy astyq jınaý naýqanynyń qorytyndysy boıynsha bıyl astyq shyǵymdylyǵy joǵary boldy, dep habarlaıdy QazAqparat tilshisi.

«Búgingi tańda dándi daqyldar tolyǵymen jınaldy – 3 mln 985 myń gektar. 5 mıllıon 21 myń tonnadan astam bıdaı bastyryldy. Bıyl ár gektardan 12,6 tsentnerden ónim alyndy. Ótken jyly bul kórsetkish 7,5 boldy. 1,7 esege jýyq joǵary», - dedi Qostanaı oblysy ákimdiginiń aýyl sharýashylyǵy basqarmasynyń bas mamany Kenje Jumandyqov.

531 myń gektar alqaptan maıly daqyldar jınalyp, 300 myń 800 tonna ónim jınaldy. Ónimdilik gektaryna 5,7 tsentnerdi qurap otyr. Maıly daqyldar alqabynyń 71 paıyzy jınaldy. Jınaý jumystary jalǵasyp jatyr.

Sondaı-aq vedomstvo kúzgi dala jumystaryna 77 myń dızel otyny bólingenin, qazirdiń ózinde oblysqa 75 myń tonnanyń jóneltilgenin habarlady.

«318 keptirý qondyrǵysy daıyndaldy. Astyq qabyldaý pýnktterine 1 mln 545 myń tonna astyq tústi, onyń ishinde bıdaı – 1 mln 180 myń tonna, onyń 95 paıyzy 3-surypty bıdaı», – dep qosty Q.Jumandyqov.