Qostanaı oblysynda aldaǵy 3 kúnge lokdaýn rejımi engizildi

QOSTANAI.QazAqparat – 11-13 shilde aralyǵynda óńirde lokdaýn rejımi engizildi, dep habarlaıdy QazAqparat.

Qostanaı oblysynyń bas sanıtar dárigeriniń qaýlysyna sáıkes, 2020 jyldyń 11 shildesi saǵat 00:00-den bastap, 2020 jyldyń 13 shildesi saǵat 00:00-ge deıin oblys terrıtorııasynda lokdaýn tártibi qabyldanady. Shekteý sharalary týraly Qostanaı oblysynyń bas memlekettik sanıtarlyq dárigeriniń orynbasary ıÝ. Sevostıanov habarlady.

Sonymen, aldaǵy 3 kúnde turǵyndarǵa úıden jumysqa jáne saıajaıǵa barýǵa, em alýǵa, dári-dármek, azyq-túlik satyp alýǵa, qoqys tógýge shyǵýǵa ǵana ruqsat etiledi.

«Qoǵamdyq kólik jumysyna (jergilikti ákimdikter bekitken saıajaı avtobýstarynan basqa) tyıym salynady. Qoǵamdyq tamaqtaný obektileriniń, barlyq saýda obektileriniń qyzmeti toqtatylady. Azyq-túlik satatyn saýda nysandary jumys isteıdi. Barlyq saýda bazarlarynyń qyzmetine ýaqytsha tyıym salyndy. Skverler, saıabaqtar, jaǵajaılar jáne demalys bazalarynyń jumysy toqtatylady. Osy qaýly kúshine 2020 jylǵy 11 shilde 00:00 saǵattan bastap enedi», - dedi ıÝ. Sevostıanov.

Aıta keteıik, keshe Qostanaı oblysynyń ákimi Arhımed Muhambetov koronavırýs ınfektsııasyna qatysty óńirdegi ahýaldy baıandaǵan bolatyn.