Qostanaı oblysynda ákim saılaýynyń alǵashqy qorytyndysy belgili boldy

QOSTANAI.QazAqparat - Óńirlik kommýnıkatsııalar qyzmetinde Qostanaı oblystyq saılaý komıssııasynyń múshesi Ásııa Dýanbaeva aýyl, kent jáne aýyldyq okrýg ákimderin saılaýdyń aldyn ala qorytyndysyn málim etti, dep habarlaıdy QazAqparat tilshisi.

Saǵat 20.00-de barlyq oblystyń 173 saılaý ýchaskesinde aýyl, kent, aýyldyq okrýg ákimderine kandıdattarǵa daýys berý aıaqtalǵan.

«Saılaý ótkizý kezeńinde ýchaskelik saılaý komıssııalarynyń 881 múshesi jumys istedi. Saılaý oblystyń 168 eldi mekeninde ótkizildi. Daýys berýdi uıymdastyrý kezinde saılaý zańnamasynyń saqtalýyn saıası partııalar atynan 207 baıqaýshy, qoǵamdyq jáne kommertsııalyq emes uıymdardyń atynan 279 ókil baqylaý júrgizi», - dedi Ásııa Dýanbaeva.

Ásııa Dýanbaevanyń sózine qaraǵanda, ákim saılaýyna daýys berýge haqyly halyqtyń 84,4 paıyzy óz tańdaýyn jasaǵan.

«Qazirgi ýaqytta saılaý ýchaskelerinde daýystardy sanaý júrip jatyr. Saılaý týraly Konstıtýtsııalyq zań boıynsha saılaý ýchaskesinde daýystardy sanaý ýaqyty sanaý ýaqyty 12 saǵattan aspaýy kerek. Aldyn ala qorytyndy boıynsha oblysta saılaýshylardyń kelýi 84,4 paıyz boldy»,- dep túıindedi Ásııa Dýanbaeva.