Qostanaı oblysynda 74 eldi mekenge tabıǵı gaz tartylady
Oblysta gazben jabdyqtaý jumystaryn «QazTransGaz Aımaq» óndiristik fılıaly júzege asyrady. Tabıǵı gaz «Buhara-Oral» magıstraldyq gaz qubyrynan keledi. Óńirde gazben jabdyqtaý jelileriniń jalpy uzyndyǵy – 3965 shaqyrym.
«Qostanaı oblysy QR-nyń 12 gazdandyrylǵan óńiriniń qataryna kiredi jáne gazdandyrý deńgeıi boıynsha 10-orynda. 529 eldi mekenniń 73-i nemese 491,5 myń adam tabıǵı gazben qamtamasyz etilgen. 2020 jyly oblystyń eldi mekenderin gazben jabdyqtaýdyń 9 jobasyn iske asyrýǵa respýblıkalyq jáne oblystyq bıýdjetten 2 mlrd teńge bólindi. Búginde Altynsarın aýdany Qosqudyq aýylynyń, Fedorov aýdany Fedorov aýylynyń gaz taratý jelileri paıdalanýǵa berildi. Osy jyly Áýlıekól aýdanynyń aýdan ortalyǵyn gazdandyrý aıaqtalady jáne Qostanaı aýdanynyń Shemınovka jáne Ozernoe aýyldaryna gaz qubyry salynady. Osylaısha, oblystyń 74 eldi mekeni gazdandyrylady», - deıdi oblystyq energetıka jáne turǵyn úı-kommýnaldyq sharýashylyq basqarmasy basshysy Dáýren Asqarov.
2021 jyly QR Energetıka mınıstrligi oblysty gazdandyrý úshin 2 jobany iske asyrýǵa 823,846 mln teńge baǵyttady. Sondaı-aq, kelesi jyly oblystyq bıýdjetten Qamysty aýdanynyń Altynsarın aýylyna gaz taratý jelilerin salý úshin 250 mln teńge qarajat bólinedi.