Qostanaı oblysynda 7 myńnan astam oqýshy burynǵydaı mektepke baryp oqıdy
Oqý jylynyń tórtinshi toqsany 6 sáýirden bastalyp, 22 mamyrǵa deıin jalǵasady. Elimizde koronavırýstyq ınfektsııadan qorǵaný sharalaryn kúsheıtý úshin tótenshe jaǵdaıdyń engizilýine baılanysty oqýshylardyń barlyǵy qashyqtan oqytýǵa kóshedi. Alaıda tótenshe jaǵdaı rejımin qamtamasyz etý jónindegi memlekettik komıssııanyń 26 naýryzdaǵy otyrys sheshimimen aýdan ortalyqtarynan alys ornalasqan 80 adamǵa deıingi oqýshysy bar shalǵaı aýyl mektepteri sanıtarlyq-epıdemıologııalyq sharalardy kúsheıte otyryp, ádettegi rejımde oqıtyn bolady.
«Oblysta mundaı mektepterdiń sany – 224, onda 7414 oqýshy bilim alady. Osy mektepterde oqytý balalar legin bóle otyryp, eki aýysymda jáne árbir sabaqtan keıin úı-jaılardy jeldetý jáne dezınfektsııalaý rejımin qatań saqtaı otyryp, aýysym arasyndaǵy keminde bir jarym saǵattyq úzilispen uıymdastyrylady. Mektepterde maska kııý engizilip, medıtsınalyq baqylaý kúsheıtiledi. Sonymen qatar, epıdemıologııalyq jaǵdaı nasharlaǵan kezde osyndaı mektepterdiń dırektorlary qashyqtan oqytý túrine kóshýge daıyn bolýlary tıis», – dedi basqarma basshysy. Mektepte ınternet múldem bolmaǵan jaǵdaıda qashyqtyqtan oqytý oflaın formatynda qurylady, onda sabaqqa rolıkter men prezentatsııalar, tapsyrmalar belgilengen merzimge sanıtarlyq normalardy saqtaı otyryp, flesh-tasyǵyshtarda berilýi múmkin.
«Qazirdiń ózinde otbasynda bir ǵana kompıýter, mektep jasyndaǵy birneshe balasy bar ata-analardan suraqtar kelip túsýde. Bul máseleni oqý toqsanynyń bastalýyna deıin mektep ákimshiligi men synyp jetekshisine habarlaý qajet. Másele jeke sheshiledi. Ekinshiden, smartfondardy qosa alǵanda, túrli elektrondyq qurylǵylar arqyly jáne ártúrli baılanys túrlerin, onyń ishinde flesh-jınaqtaýyshtardy paıdalana otyryp, qashyqtyqtan oqytý uıymdastyrylady. Qazirgi ýaqytta 4 myńǵa jýyq oqýshyǵa kompıýterler qajet, 4,5 myńǵa jýyq oqýshy ınternet jelisine qol jetkize almaıdy. Biraq bul másele qazir sheshilýde. Qashyqtan oqytýǵa qajetti jaǵdaı jasaý jáne jumys oryndaryn jabdyqtaý maqsatynda 5 myńnan astam mekteptiń kompıýterlik tehnıkasy bilim berý uıymdarynan pedagogter men oqýshylarǵa, sonyń ishinde aldymen áleýmettik az qamtylǵan balalarǵa qaıtarymdy negizde beriledi. Sonymen qatar, otbasylarǵa ýaqytsha paıdalanýǵa berý úshin jergilikti bıýdjetten qosymsha 1759 kompıýter satyp alýǵa 300 mln teńge bólindi», – dedi V.Tsymbalıýk.
Al kolledj stýdentteri úshin qashyqtan bilim alý oqý jylynyń sońyna deıin, ıaǵnı 30 maýsymǵa deıin jalǵasady. Olar úshin kásibı praktıka kelesi akademııalyq kezeńge aýystyrylmaq. Dıplom jobalaryn onlaın formatta qorǵaıdy. Suraq qoyp, keńes alý úshin oblystyq psıhologııalyq-medıtsınalyq-pedagogıkalyq komıssııasyna 39-64-16 telefony boıynsha habarlasýǵa bolady.