Qostanaı oblysynda 6 sheteldikti zańsyz jumysqa salǵan turǵyn jazalandy
Uzynkól aýdany polıtseıleri Varvarovka aýylyndaǵy reıd barysynda Ózbekstan turǵyndaryn anyqtady.
Belgili bolǵandaı, jumysshylar aýdanǵa birneshe kún buryn Túrkistan oblysynan kelip, nysanda qurylyspen aınalysqan.
Olardyń eńbek etýge ruqsat beretin qujaty bolmaǵan.
Jumyskerler qujatty teksergennen keıin tártip saqshylarynan jasyrynýǵa tyrysqan.
Kóshi-qon qyzmetkeri Dmıtrıı Sechnyı men ýchaskelik ınspektor Arman Davletov olardy ustady.
Ózbekstan azamattary aýdandyq sottyń sheshimimen QR ÁQBtK-niń 517-baby 5-bóligi boıynsha 2 táýlikke qamaldy.
Polıtsııa habarlaǵandaı, shetel azamattarynyń elde júrip-turý merzimi qysqardy jáne olar 10 táýlik ishinde elden ketýge mindetti.
Sonymen qatar, QR zańnamasyn buza otyryp, sheteldik jumys kúshin paıdalanǵany úshin jumys berýshi jaýapkershilikke tartyldy.
Jyl basynan beri Uzynkól aýdanynda 17 sheteldik kóshi-qon zańnamasyn buzǵany úshin ákimshilik jaýapkershilikke tartylǵan, onyń 4-i sot arqyly elden shyǵaryldy.