Qostanaı oblysynda 6 myńǵa jýyq adam jumysqa ornalasty

QOSTANAI.QazAqparat – Qostanaıda 5788 adam jumysqa ornalasty. Bul týraly oblys ákimi áleýmettik jelide jazdy, dep habarlaıdy QazAqparat tilshisi.

Oblys basshysy Arhımed Muhambetov «Jumyspen qamtýdyń jol kartasy -2020» memlekettik baǵdarlamasyn júzege asyrý máseleleri boıynsha qala jáne aýdan ákimderimen keńes ótkizdi.

Osy jyly oblysta 282 ınfraqurylymdyq joba iske asyrylýda, onyń ishinde 75–i áleýmettik-mádenı obektilerde, 43-i turǵyn úı-kommýnaldyq sharýashylyq salasynda. Sondaı-aq taǵy 150-den astam aýqymdy joba ınjenerlik-kóliktik ınfraqurylym obektisi men eldi mekenderini abattandyrý boıynsha atqarylyp jatyr.

«Barlyǵy 14340 jumys ornyn qurý jáne jumyspen qamtý ortalyqtarynyń joldamalary boıynsha keminde 7 170 jumyssyz azamatty jumysqa ornalastyrý josparlanǵan.

Jumystar aıaqtalǵannan keıin 682 turaqty jumys orny ashylady.

Búgingi tańda Jumyspen qamtý ortalyqtarynyń joldamalary arqyly 5788 adam jumysqa ornalastyryldy.

JQJK jobalarynda jalaqy mólsheri orta eseppen 86 331 teńge bolyp belgilengen», - dep jazdy Arhımed Muhambetov áleýmettik jelide.

Óńir ákimi jumyspen qamtý jumystary boıynsha aýdan-qala ákimderine jekeleı tapsyrma berdi.