Qostanaı oblysynda 54 jastaǵy er adam gazdan ýlanyp kóz jumdy

QOSTANAI. QazAqparat – Tobyl qalasynda 54 jastaǵy er adam gazdan ýlanyp kóz jumdy, dep habarlaıdy QazAqparat oblystyq TJD baspasóz qyzmetine silteme jasap.

Oqıǵa 21 jeltoqsanda Tobyl qalasynyń «Melıorator» saıajaıynda bolǵan. TJ bólimi tabıǵı gazdan ýlaný deregin tirkedi.

«Turǵyn jaı ishinde 1966 jyly týǵan er adam kóz jumdy. Kýágerlerdiń aıtýynsha, úıden tabıǵı gazdyń ıisi bilingen. Belgili bolǵandaı er adam úıde gaz ballonyn qoldanǵan.

Qostanaı oblysynyń Tótenshe jaǵdaılar departamenti kezekti ret azamattardy gaz ballondaryn kúndelikti ómirde paıdalanýdyń qarapaıym erejelerin saqtaýǵa shaqyrady. Turmysta paıdalanylatyn qaýipti metan (qalalyq magıstraldyq gaz) jáne suıytylǵan gazdardy (ballondarda) qoldanǵanda saq bolý qajet», delingen vedomstvo habarlamasynda.

Qostanaı oblysy TJ Departamenti gaz qaýipsizdiginiń negizgi erejelerin týraly habarlamany resmı saıtynda jarııalady.