Qostanaı oblysynda 54 dárigerge páter kilti tapsyryldy

QOSTANAI. QazAqparat – Qostanaı oblysynda 54 medıtsına qyzmetkerine baspana berildi. Bul týraly halyqqa esep berý jıynynda oblys ákimi Arhımed Muhambetov málim etti, dep habarlaıdy QazAqparat tilshisi.

Qostanaı oblysynda densaýlyq saqtaý sektorynda 15 myń adam jumys isteıdi. 2020 jyldyń tamyz aıynan bastap oblysqa basqa óńirlerden 186 kelgen. Bul oblysta kadr tapshylyǵyn sheshýge aıtarlyqtaı septigin tıgizgen.

«Biz byltyr oblys úshin eń qajetti mamandyqtardyń tizimin jasap, jas mamandardy izdedik. Ásirese, sáýlelik dıagnostıka, endokrınologtar, nefrologtar, ınfektsıonıster, onkologtar jetispeı jatty. Mine, endi jas mamandar jergilikti bıýdjet esebinen qosymsha bilim alady. Jergilikti bıýdjet esebinen qalaǵa kelgen dárigerlerge 1 mln teńge kótermeaqy tólendi. Al aýyldyq jerlerge barǵan mamandarǵa 1,5 mln teńgeden materıaldyq kómek belgilep otyrmyz. 2020 jyly mundaı qoldaýǵa 107 dáriger ıe boldy», - dedi aımaq basshysy.

Óńirde «Dıplommen aýylǵa» baǵdarlamasy aıasynda 310 medıtsına qyzmetkeri kótermeaqy aldy. Olardy baspanamen qamtamasyz etý jumystaryna aıtarlyqtaı basymdyq berilgen. Byltyr jańadan kelgen dárigerlerge turǵyn úı Qazaqstan ıpotekalyq kompanııasy arqyly berildi.

«Qazirdiń ózinde 54 dárigerge páter kiltin tapsyrdyq. 2021 jyly taǵy 100 dáriger baspanaly bolady. Sondaı-aq, Memleket basshysynyń tapsyrmasy boıynsha 2021 jylǵy 1 qańtardan bastap dárigerlerdiń jalaqysy taǵy 30% -ke jáne orta medıtsına qyzmetkerleriniń jalaqysy 20%-ke artty. Oblystyń medıtsınalyq qyzmetkerlerine materıaldyq qoldaý kórsetý jumystary jalǵasady», - deıdi Arhımed Muhambetov.