Qostanaı oblysynda 53 jastaǵy áıel konteıner ishinde janyp ketti
14:20, 22 Jeltoqsan 2020
QOSTANAI.QazAqparat – Qostanaı oblysynda jol jıeginde turǵan vagon konteıneri órtenip, 1967 jyly týǵan áıel qaza boldy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, oqıǵa «Arqalyq-Torǵaı» tasjolynyń boıynda bolǵan. Órtengen konteıner jol jóndeýshi merdiger uıymǵa tıesili. Qyzyl jalyn 25 sharshy metr aýmaqty sharpyǵan.
«Aldymen vagon ishindegi kereýet janǵan. Aldyn ala boljam boıynsha órt symdardyń qysqa tuıyqtalýynan bolǵan. Órtenip jatqan konteıner ishinle 1967 jyly týǵan áıel qalyp qoıǵan. Ol merdiger uıymnyń aspazy bolýy múmkin. Tekserý jumystary júrgizilip jatyr», delingen TJD baspasóz habarlamasynda.