Qostanaı oblysynda 5000 otbasy áleýmettik paket aldy
Turǵyndarǵa esep berip jatqan Qostanaı oblysynyń ákimi Arhımed Muhambetov kóp balaly, az qamtylǵan otbasylardy jáne halyqtyń áleýmettik osal toptaryn áleýmettik qoldaý baǵyttar boıynsha júrgizilgen jumystarǵa toqtaldy.
«2020 jylǵy qańtardan bastap alǵash ret ataýly áleýmettik kómek taǵaıyndaý kezeńine 1 jastan 3 jasqa deıingi jáne 3 jastan 6 jasqa deıingi balalary bar otbasylarǵa kepildendirilgen áleýmettik paket usynyldy. 2020 jyly 368 mln teńge somasyna 54 myńnan astam kepildendirilgen áleýmettik paket berildi. 2021 jyly 5 myń adamdy kepildendirilgen áleýmettik paketpen qamtamasyz etýge 347 mln teńge qarastyrylǵan. «Baqytty otbasy» jobasy aıasynda oblysta 4 737 otbasy tıisti kómekpen qamtyldy», – dedi oblys ákimi.
Jumyspen qamtýǵa járdemdesý úshin kóp balaly jáne az qamtylǵan otbasylardan shyqqan adamdardy qoǵamdyq jumystarǵa ornalastyrý kózdelgen. Bul rette, qoǵamdyq jumystarǵa jiberý kezinde jalaqy 1,5 eń tómengi deńgeıge deıin kóterilip, oǵan 2020 jyly 900 mln teńge bólindi. 2020 jyly tótenshe jaǵdaı kezeńinde oblys boıynsha 11 mlrd teńge áleýmettik kómek tólengen. Sondaı-aq, shekteý is-sharalarynyń engizilýine baılanysty (2020 jylǵy shilde-tamyz) tabysynan aıyrylǵan jaǵdaıda birjolǵy áleýmettik tólem 74 myń azamatqa taǵaıyndaldy. Budan basqa, 2020 jylǵy naýryzdan tamyzǵa deıin azamattardyń áleýmettik turǵydan osal sanattary úshin azyq-túlik-turmystyq jıyntyqtardy satyp alýǵa 803,9 mln teńge bólinip, 38,4 myń azamat qamtyldy.
«Pandemııa kezeńinde halyqtyń áleýmettik osal toptaryna jatatyn azamattardyń 7 sanatyna kommýnaldyq qyzmetter shyǵyndaryn 15 myń teńge kóleminde óteý boıynsha jumys júrgizildi. Jumys qorytyndysy boıynsha qalalar men aýdandardyń ákimdikteri kommýnaldyq qyzmet shyǵyndaryn óteýge 863,7 mln.teńge somasyna 28 793 ótinimdi qanaǵattandyrdy», – dep túıdi ákim.
Eske sala ketsek, budan buryn Arqalyq qalasyn jylý berýdiń jańa túrine kóshirý jumystary aıaqtalǵandyǵyn habarlaǵan bolatynbyz.