Qostanaı oblysynda 5 jasar volonter turady
«Elimizde volonterlerdiń jyldan-jylǵa artyp kele jatqany qýantady. Prezıdenttiń Volonterler jylyn jarııalaýy volonter qozǵalysy men uıymdarynyń sanyn úsh esege kóbeıtti. Búginde 50 myńnan astam azamat volonterlik baǵytta jumys istep júr. «Kúmis volonterler» týraly aıtsaq, bul adamdardyń belsendiligi tántimin. Elimizde jasy 50-den asqan 1 430 erikti tirkelgen. Bir qyzyǵy, sonyń 700-i Pavlodar oblysynda turady», - dedi Aıda Balaeva halyq aldyndaǵy eseptik kezdesýin qorytyndylaǵan brıfıngide.
Mınıstr elimizdiń eriktilerimen barynsha jıi kezdesip turatynyn da atady. Sondaı kezdesýlerdiń birinde erekshe málimetke tap bolǵan eken.
«Sońǵy ret Qostanaı oblysynda bolǵanymda óńirdegi eń jas volonterdiń jasy neshede ekenin suradym. Jaýabyn estip qatty tańǵaldym. Qostanaı oblysyndaǵy eń jas volonterdiń jasy beste eken. Balanyń áke-sheshesi osy baǵytta jumys isteıtini túsinikti. Ózderi ǵana aınalysyp qoımaı, balalaryn baýlyǵandaryna tánti boldym. Balanyń óz otbasynda tabıǵatqa kútimmen qarap, janýarlardy qorǵaýǵa beıim bolyp ósýine úlkenderdiń tabıǵatqa janashyrlyqpen qarap, aqysyz kómek kórsetken isteri áser etetin bolsa kerek. Bul jas urpaqty tárbıeleý turǵysynan óte mańyzdy. Sondyqtan, memleket volonterlik qozǵalysty júıeli damytýǵa basa kóńil bólip otyr», - dei Aqparat jáne qoǵamdyq damý mınıstri.
Vedomstvo basshysy qazir oblystardyń bárinde volonterler shtaby jumys istep turǵanyn eske saldy.
«Volonterlik qozǵalysty zańnamalyq turǵyda yntalandyrýdy kózdeıtin naqty jol kartasy bar. Biz qazir Volenterlik jáne qaıyrymdylyq týraly zańǵa túzetýler men tolyqtyrýlar engizý máselesin talqylap jatyrmyz. Sondyqtan osy sharalardyń bári volonterler sanynyń artýyna jol ashady. Volonterlik qazaqstandyqtardyń ómir saltyna aınalyp jatqany qýantady», - dedi mınıstr.