Qostanaı oblysynda 5-11 synyp oqýshylary qashyqtan bilim alady

QOSTANAI. QazAqparat - Qostanaı oblysyndaǵy sanıtarlyq-epıdemııalyq ahýaldyń álsireýine baılanysty mektep oqýshylary qashyqtan oqý formatyna qaıta kóshti, dep habarlaıdy QazAqparat oblystyq bilim basqarmasynyń baspasóz qyzmetine silteme jasap.

Buǵan deıin habarlaǵanymyzdaı, Qostanaı oblysynda karantın rejımi jıi buzylyp, indet qaıta taraldy. Saldarynan Qostanaı oblysy «qyzyl aımaqqa» endi. Koronavırýstyq ınfektsııanyń taralýyna jol bermeý jónindegi respýblıkalyq vedomstvoaralyq komıssııanyń usynymy boıynsha 2021 jylǵy 18 qańtardan bastap eki apta merzimge karantın engiziledi.

Búgin Qostanaı qalasynyń bas sanıtarlyq dárigeri A.Baıkenov bilim mekemelerindegi sanıtarlyq talapty kúsheıtý týraly jańa qaýly qabyldady. Oǵan sáıkes, 5-11 synyp oqýshylary qańtardyń 18-inen 31-ine deıin qashyqtan oqytý rejımine aýystyrylady.

Oblystyq bilim basqarmasynyń basshysy Záýre Baımenovanyń aıtýynsha, 1-4 synyp oqýshylary ǵana burynǵydaı kezekshi synyptarda bilim alady.

«Alaıda balalaryn qashyqtan oqytý rejimine kóshirgisi kelgen ata-analarǵa esh qarsylyq bolmaıdy», - dedi basqarma basshysy.

Oblys ortalyǵynan tys jatqan qalalar men aýdandardaǵy mektepterdiń kóbi qalypty formatta bilim berýde. Tek Altynsarın, Qarasý aýdanyndarynda 5 mektep jáne Rýdnyı qalasy men Altynsarın aýdanynda 4 balabaqsha qashyqtan jumys isteýge kóshirildi.

JOO men kolledj stýdentteri oqýlaryn dástúrli rejımde jumys isteýin jalǵastyrady.