Qostanaı oblysynda 300-den astam dáriger jetispeıdi

QOSTANAI. QazAqparat – Óńirde akýsher-gınekologtar, ftızıatrlar, anestezıologtar men onkologtar jetispeıdi. Qostanaı oblysy densaýlyq saqtaý basqarmasynyń alqa otyrysynda dáriger tapshylyǵy máselesi qalaı sheshiletinin vedomstvo basshysy Rústem Aıtbaev aıtap berdi, dep habarlaıdy QazAqparat tilshisi.

Óńirdiń densaýlyq saqtaý sektorynda barlyǵy 15 myńǵa jýyq adam jumys isteıdi, onyń ishinde 1 920-sy – dáriger jáne 6 059-y – orta medıtsınalyq bilimi bar qyzmetkerler.

«Dáriger kadrlardyń tapshylyǵy - 347 adam. Onyń ishinde aýylda 96 dáriger jetispeıdi. Kadr tapshylyǵy eń qatty sezilgen medıtsınadaǵy salalar: akýsherlik jáne gınekologııada 25, ftızıatrııada – 16, anestezıologııa jáne reanımatologııada – 12, kardıologııada – 5, onkologııada – 12, neonatologııada – 3, ınfektsııalyq aýrýlar boıynsha – 8 adam»,- dep habarlady R. Aıtbaev.

Ótken jyly, oblysqa 108 dáriger kelgen, onyń ishinde 100-i – medıtsınalyq joǵary oqý oryndarynyń túlekteri jáne 8-i – tájirıbeli dárigerler.

«Oblystyq bıýdjet esebinen kelgen mamandarǵa qalalyq jerde 1,5 mıllıon teńge, aýyldyq jerde 2 mıllıon teńge kóterme aqy tólendi. Bıyldyń ózinde oblys bıýdjetineneń suranysqa kóp ıe mamandyqtar boıynsha dárigerlerge tólenetin tólemaqylar ósti. Ústemaqy anestezıolog-reanımatolog dárigerlerge, akýsher-gınekologtarǵa, neonatologtar men pedıatrlarǵa aýyldyq jerlerge 5 mln teńgege deıin, qalalyq jerlerge 3,5 mln teńgege deıin ulǵaıdy. Sondaı-aq kardıolog, onkolog, ınfektsıonıst, psıhıatr, ftızıatr, gastroenterolog, nevropatolog, patologoanatom, nefrolog, allergolog, gematolog, reabılıtolog) mamandyqtary boıynsha dárigerlerge tólenetin tólemaqy aýyldyq jerlerde 3,5 mln teńgege, qalalyq jerlerde 2,5 mln teńgege deıin artty»,- dep atap ótti vedomtsvo basshysy.

Kóterme tólemaqy tóleýmen qatar vedomstvo dáriger kadrlardy turǵyn úımen qamtamasyz etý boıynsha jumys júrgizip jatyr.

Ótken jyly 44 dárigerge turǵyn úı bólinse, medıtsınalyq uıymdar esebinen 25 dárigerge turǵyn úı jaldaý aqysy tólenedi.