Qostanaı oblysynda 2 myńǵa jýyq dáriger ótemaqy aldy

QOSTANAI.QazAqparat – Qostanaı oblysynda 2 myńǵa jýyq dáriger qosymsha ótemaqyǵa ıe boldy, dep habarlaıdy QazAqparat oblystyq densaýlyq saqtaý basqarmasynyń baspasóz qyzmetine silteme jasap.

Elimizde koronovırýs ınfektsııasymen kúresýge jumyldyrylǵan 53 myń medıtsına qyzmetkerine maýsym aıynyń ústemaqysy tólenýde. Bul sharaǵa respýblıkalyq bıýdjetten Medıtsınalyq saqtandyrý qoryna 35 mlrd 700 mln teńge bólindi. Al Qostanaı oblysynyń aq halattylaryna 933 mln teńgeden artyq soma ústemaqy tólendi.

«Medıtsınalyq saqtandyrý qory qaýipti jaǵdaıda jumys isteıtin dárigerler men medıtsına qyzmetkerleriniń sany aı saıyn artyp kele jatqanyn habarlady. Eger naýryz aıynda ústemaqyny 19 myńnan astam qyzmetker alsa, mamyr aıynda olardyń sany 40 myń adamǵa deıin ósti. Qostanaı oblysynda maýsym aıy úshin 2000-ǵa jýyq dáriger ótemaqy aldy. Ótemaqyǵa ıe bolǵan dárigerlerdiń 366-sy birinshi dárejeli táýekel tobyna, 749-y ekinshi, 759-y úshinshi dárejeli táýekel tobyna jatady», - delingen vedomstvonyń baspasóz habarlamasynda.

Búginde óńirdiń ınfektsııalyq-provızorlyq ortalyqtarda 2350 oryn bar. Іndet órshigeli tósek-oryndar sany 4 esege deıin artqan.