Qostanaı oblysynda 2 adam atys qarýynan jaraqat aldy

QOSTANAI. QazAqparat - Qostanaı oblysynda tóbeles kezinde 2 adamdy atys qarýynan jaraqattaǵan er adam ustaldy, dep habarlaıdy QazAqparat Polisia.kz saıtyna silteme jasap.

27 tamyz kúni saǵat 17:50 shamasynda Jedel basqarý ortalyǵynyń 102 pýltine «ıÝbıleınyı» baý-baqsha qoǵamynda atys qarýynyń qoldanylýymen tóbeles bolyp jatqany týraly habarlama túsken.

Polıtseıler oqıǵa ornynan oq jaraqatyn alǵan eki er adamdy – 31 jastaǵy jáne 25 jastaǵy Sarykól aýdanynyń turǵyndaryn tapty. Jábirlenýshiler dereý aýrýhanaǵa jetkizildi.

«Olarǵa medıtsınalyq kómek kórsetildi. Densaýlyq jaǵdaılary qanaǵattanarlyq. Kúdikti oqıǵa ornynan qashyp ketken. Buǵan deıin de sotty bolǵan oblys ortalyǵynyń 38 jastaǵy turǵyny bir saǵattan keıin qalanyń soltústik bóliginde ustaldy. Qazirgi ýaqytta ýaqytsha ustaý ızolıatoryna qamaldy. Atys qarýy tárkilenip, saraptamaǵa jiberildi. Sondaı-aq atys qarýyn saqtaý jáne jasaý faktileri boıynsha protsessýaldyq sheshim qabyldanyp jatyr», - delingen polıtsııa málimetinde.

Qazirgi ýaqytta atalǵan fakti boıynsha «Adam óltirýge oqtalý» babymen sotqa deıingi tergeý bastaldy.

Foto: polisia.kz