Qostanaı oblysynda 17 jastaǵy jasóspirim topyraqqa kómilip qaldy
Qaıǵyly jaǵdaı týraly jýrnalıst Dáýrenbek Ábdibek áleýmettik jelide jazdy.
Onyń aıtýynsha, 17 jasar bozbala qubyr ótkizý úshin qazylǵan shuńqyrǵa qulap qaza tapqan. Kýágerler marqumdy sol jerde jumys istep jatqan ekskavator qaǵyp, qulatqan bolýy múmkin ekenin aıtady.
Al oblystyq polıtsııa departamentiniń baspasóz hatshysy Irına Bejenardyń aıtýynsha, 2020 jyldyń 30 qyrkúıeginde saǵat 18-36-da Altyn-Dala aýylynda sý qubyrlaryn tóseý jumystaryn júrgizý kezinde jer opyrylyp qalǵan.
«Habar Qostanaı aýdanynyń polıtsııa bólimine tústi. Nátıjesinde jumysshy retinde júrgen 2003 jyly týǵan jasóspirim topyraq astynda qaldy. Atalǵan fakt sotqa deıingi tergeýdiń biryńǵaı tiziminde Qylmystyq kodekstiń 156 baby 3 bólimi «Eńbekti qorǵaý qaǵıdalaryn buzý» boıynsha tirkeldi. Tergeý júrgizilýde. Sot-medıtsınalyq saraptama taǵaıyndaldy», - deıdi I.Bejenar.