Qostanaı oblysynda 15 myńnan astam turǵyn revaktsınatsııadan ótti

QOSTANAI. QazAqparat - Qostanaı oblysynda 343 412 adam vaktsına saldyrǵan. Bul jaıynda oblys ákimi Arhımed Muhambetov óziniń Instagram paraqshasynda jazdy, dep habarlaıdy QazAqparat.

«Búgin KVI taralýyna jol bermeý boıynsha jedel shtabtyń kezekti otyrysyn ótkizdim. Shtab otyrysy barysynda Arqalyq jáne Lısakov qalalarynyń ákimderin, sondaı-aq Áýlıekól, Denısov jáne Beıimbet Maılın atyndaǵy aýdan ákimderin tyńdadym. Sonymen qatar, monıtorıngtik toptardyń jumysy qarastyryldy. Monıtorıng toptary aǵymdaǵy jyldyń 1 qarashasynan bastap 1 689 reıd ótkizdi, 110 karantındi buzý faktisi anyqtaldy. Qazirgi ýaqytta ınfektsııalyq kereýetterdiń júktemesi - 18,2%. 273 adam emdelip jatyr» dep jazdy ákim.

Onyń aıtýynsha, vaktsınanyń birinshi komponentin 343 412 adam alǵan. Ekinshi komponentti ektirgender sany - 324 416.

Sonymen qatar, júkti jáne bala emizetin áıelderdi, 12 jastan 18 jasqa deıingi balalar men jasóspirimderdi vaktsınalaý jalǵasýda. 17 jeltoqsandaǵy jaǵdaı boıynsha vaktsınany 3 677 adam aldy.

Sondaı-aq, 18 jeltoqsandaǵy jaǵdaı boıynsha 15 375 adam qaıta vaktsınatsııalandy, osy baǵyttaǵy jumys jalǵasýda.

«Ashyq» jobasyna qatysý úshin 5 436 ótinim berildi. Otyrys qorytyndysy boıynsha qala jáne aýdan ákimderine halyqty vaktsınatsııalaý jáne qaıta vaktsınatsııalaýǵa qatysty aqparattyq-túsindirý jumystaryn kúsheıtýdi tapsyrdym» dep túıindedi sózin Arhımed Muhambetov.