Qostanaı oblysynda 1000 dombyrashy bir mezette kúı oınady

AMANGELDІ AÝDANY. QazAqparat - Qostanaı oblysynyń Amangeldi aýdanynda Ulttyq dombyra kúni atalyp ótildi, dep habarlaıdy QazAqparat.

Amangeldi aýdanynda Ulttyq dombyra kúni men elorda merekesi qarsańynda túrli rýhanı, buqaralyq is-sharalar ótti.

Aýdandyq ishki saıasat bóliminiń basshysy Nurlybek Tájınniń sózine qaraǵanda, merekege daıyndyq jumystary byltyrdan bastalǵan.

«Aýdandaǵy B.Qoldasbaev atyndaǵy jalpy bilim beretin mektepte kásipker Serik Qanafınniń demeýshiligimen shaǵyn fýtbol alańy ashyldy. Budan soń jastarǵa arnalǵan shaǵyn 8 páterlik úı paıdalanýǵa berildi. Jastar jylyna oraı «Jastar saıabaǵy» ashyldy. Q.Ábenov atyndaǵy mádenıet úıinde daryndy bir taýar mýzykant Tóken Eltebaevty eske túsirýge arnalǵan ǵylymı konferentsııa, eskertkishtiń ashylýy jáne «Urpaq sabaqtastyǵy» atty ult-aspaptar ansambliniń baıqaýy ótkizildi», - dep aqparat berdi bólim basshysy.

Ulttyq dombyra kúniniń basty jańalyǵy - aýdanda tuńǵysh ret 1000 dombyrashynyń qatysýymen kúı oınaldy. Bul bastamany aýdan ákimi Ámirhan Asanov kótergen. Dombyrashylar bir mezette Qurmanǵazynyń «Balbyraýyn» jáne «Kelinshek» kúılerin oryndady. Dombyrashylar aýdannyń ár aýylynan kelgen.

Aýdandaǵy mereke estrada juldyzdarynyń qatysýymen ótken kontserttik baǵdarlamamen túıindeldi.