Qostanaı oblysynda 10 adamnan quralǵan top kásipkerlerdi bopsalap kelgen

QOSTANAI. QazAqparat – Qostanaı oblysynda bopsalaýmen aınalysyp kelgen 10 adam kúdikti retinde qamaýǵa alyndy, dep habarlaıdy QazAqparat Polisia.kz-ke silteme jasap.

Qostanaı oblysynyń Polıtsııa departamenti Uıymdasqan qylmysqa qarsy kúres basqarmasynyń qyzmetkerleri oblys aýmaǵynda uzaq ýaqyt boıy bopsalaýmen jáne ózge de qylmys túrlerimen aınalysyp kelgen qylmystyq topty ustaǵan.
Atalǵan basqarmasynyń bastyǵy Serik Baıǵonovtyń aıtýynsha, jedel sharalardyń nátıjesinde óńirdiń túrli aýmaǵynda bopsalaýǵa jáne basqa da qylmys túrlerine qatysy bar 10 kúdikti ustaldy.

«Qylmystyq top oblys turǵyndaryna qatysty 12 qylmystyq quqyq buzýshylyq jasady degen kúdikke ilindi. Olardyń arasynda kásipkerler de bar. Jalpy shyǵyn 10 mln teńgeden asty. Qazirgi ýaqytta qajetti tergeý áreketteri júrgizilip jatyr», - delingen polıtsııa málimetinde.

Vıdeodan alynǵan kadr