Qostanaı oblysynda 1 mln gektar jer maqsatsyz paıdalanylǵan
Qostanaı oblysynda paıdalanylmaǵan jerlerdi qaıtarý jóninde júıeli jumystar júrgizilip jatyr. 6 jyl ishinde qaıtarylǵan jerlerdiń jalpy kólemi 1 mln gektardan asady. Qostanaı oblysy ákimdiginiń jerdiń paıdalanylýy men qorǵalýyn baqylaý basqarmasy basshysynyń orynbasary Ásel Tabergenovanyń aıtýynsha, ózderine berilgen alqaptardy paıdasyna jarata almaı júrgender ákimshilik jaýapqa tartyldy.
«Elimizde kádege jaratylmaǵan alqaptardy túgendeý jumystary birneshe jyl qatarynan júrgizilip jatyr. Jer ýchaskesin utymdy paıdalanbaý qatań tekseriledi. 2012-2018 jyldar aralyǵynda aımaqta paıdalanylmaı bos jatqan 1 mln 578 myń gektar anyqtaldy. Onyń 1 mln 256 myńy jaıylymǵa arnalǵan bolsa, qalǵany egindik jerler. 1 mln gektar jer maqsatty qoldanylmaǵany úshin memleket menshigine qaıtaryldy. Al qurylysqa arnalǵan alqapty teris maqsatta paıdalanǵan 36 jer ýchaskesiniń ıesi jazaǵa tartyldy. Olar 1 jyldan astam ýaqyt boıy jerdi alyp, eshqandaı qurylys salmaǵan. Qaǵaz júzinde qojaıyndaryna eskertý jasaldy. Ári qaraı sottyń qaraýyna jiberiledi», - deıdi Ásel Tabergenova.
Jalpy, Qostanaı oblysynda 17 mln gektar jer aýyl sharýashylyǵyna qoldanýǵa arnalǵan.