Qostanaı oblysyna Reseıden gýmanıtarlyq kómek keldi
Gýmanıtarlyq kómekti qostanaılyq úkimettik emes uıymdar qarsy aldy. «GrIn» Qostanaı oblystyq azamattar alıansy» qoǵamdyq qorynyń tóraıymy Dınara Ótebaevanyń aıtýynsha, kórshiler kómegin «Ýral-Evrazııa» sarapshylar klýby uıymdastyrǵan.
«Bizdiń oblystyń volonterleri kórshilerdiń kómegin qarsy aldy. Medıtsınalyq qorǵanysh quraldary, maskalar, qolǵaptar, antıseptıkter zeınetkerlerge, múmkindigi shekteýli jandarǵa tapsyrylady. Olarǵa termometrler, tonometrler, «Paratsetamol» dárisi men dárýmender jıyntyǵy jetkiziledi. Sonymen qatar, gýmanıtarlyq kómek óńirdiń volonter jastaryna da beriledi. «DamU.kst» jastar uıymy, «Tumar» jáne «Janashar bol» qoǵamdyq qorlarynyń eriktilerine alǵys aıtamyn. Olar gýmanıtarlyq kómekti kólikterden túsirýge kómektesti», - deıdi D.Ótebaeva.
Reseıden kelgen kómek endi Aqmola jáne Soltústik Qazaqstan oblystaryna jol tartady. Reseı azamattyq sektorynyń ókilderi shilde aıynda Qazaqstan óńirlerine shamamen 8,5 mln teńgege gýmanıtarlyq kómek jibergen.