Qostanaı oblysyna qonys aýdarǵandar jumyspen qamtamasyz etildi - ákim

ASTANA. QazAqparat - Qostanaı oblysynda qonys aýdarǵan adamdarǵa kóshýge jáne baspanany jalǵa alýǵa 250 teńge somasynda materıaldyq kómek tólendi. Bul týraly Úkimet otyrysynda óńir ákimi Qumar Aqsaqalov aıtty, dep habarlaıdy QazAqparat tilshisi.

«Respýblıkanyń jumys kúshi artyq óńirlerinen azamattar men qandastardy oblysqa tartý is-sharalar júzege asyrylyp jatyr. Bıyl óńirlik kvota 960 adamǵa bekitildi, onyń ishinde 280 qandas jáne 680 qonys aýdarýshy bar. Qazirgi kezde kvota 89 paıyzǵa oryndaldy. Oblysqa 856 adam kóship keldi, sonyń arasynda 263-i - qandas», - dedi Q. Aqsaqalov.

Onyń aıtýynsha, qonys aýdarǵan adamdarǵa kóshýge jáne baspana jalńa alýǵa 250 teńge somasynda materıaldyq kómek tólendi.

«Bıyldan ekonomıkalyq utqyrlyq sertıfıkattary berile bastady. Bul óz kezeginde 115 otbasyǵa turǵyn úı satyp alýǵa múmkindik berdi. Barlyq eńbekke qabiletti qonys aýdarǵan adamdar jumyspen qamtamasyz etildi. Bıyl 362 adam jumysqa turdy, 10 adam kásipkerlik salasyna bardy», - dedi ákim.

Budan buryn habarlanǵandaı, jyl sońyna deıin soltústik óńirlerge taǵy 4 512 adamdy (qonys aýdarýshylar men qandastar) qonystandyrý josparlanǵan.