Qostanaı oblysy joldarynda aýyr júk kólikterine shekteý qoıylady

QOSTANAI. QazAqparat – 23 naýryzdan bastap 1 mamyrǵa deıin Qostanaı oblysynda júk kóligine shekteý qoıylady, dep habarlaıdy QazAqparat «Qazaqavtojol» JShS aımaqtyq fılıalynyń baspasóz qyzmetine silteme jasap.

«Qazaqavtojol» habarlaǵandaı, jeke bilikke 8 tonnadan astam júkteme túsetin avtokólikterdiń qozǵalysyna ýaqytsha shekteý engiziledi.

Bul shara jyl saıyn kóktemgi kezeńde joldardyń qys mezgilinen keıin saqtalýy úshin jasalady.

«Shekteý halyqaralyq júkterdi jáne jolaýshylardy tasymaldaýdy júzege asyratyn, tótenshe jaǵdaılardyń aldyn alý jáne joıý jónindegi is-sharalarda jumys isteıtin, zardap shekkenderge gýmanıtarlyq kómek kórsetetin, tamaq ónimderin, bagajdy, dári-dármek tasymaldaıtyn, sondaı-aq jol-qurylys jumystarymen aınalysatyn avtokólik quraldaryna qoldanylmaıdy» dep habarlady mekemeniń baspasóz qyzmeti.

Shekteýler Qostanaı oblysynda 1 mamyrǵa deıin saqtalady.