Qostanaı oblysy Qorǵanys isteri departamentiniń basshysy taǵaıyndaldy
15:59, 25 Tamyz 2015
QOSTANAI. QazAqparat - QR Qorǵanys mınıstriniń buıryǵymen Qostanaı oblysy Qorǵanys isteri departamentiniń basshysy bolyp Sergeı Gennadevıch Kýznetsov taǵaıyndaldy.
Sergeı Kýznetsov 44 jasta, ol Almaty oblysynyń týmasy. Eńbek jolyn 1997 jyly QR Qarýly kúshteri Áskerı akademııasynyń jalpy áskerı fakýlteti kýrsanttary rota vzvodynyń komandıri bolyp bastady. Sońǵy úsh jylda ol QR Qarýly kúshteri uıymdastyrý-jumyldyrý jumystary departamentiniń jınaqtaý basqarmasy áskerı qyzmetshilerdi esepke alý, merzimdi qyzmetke jáne áskerden tys jumystarǵa shaqyrtý bóliminiń bastyǵy laýazymyn atqardy.