Qostanaı oblysy ákiminiń jańa orynbasary taǵaıyndaldy

QOSTANAI. QazAqparat - Qazaqstan Respýblıkasy Prezıdenti  Ákimshiliginiń kelisimimen Qostanaı oblysynyń ákimi Arhımed Muhambetovtiń buıryǵymen óńir basshysynyń orynbasary qyzmetine Meıirjan Myrzalıev taǵaıyndaldy.

Jańa orynbasar ınvestıtsııa tartý, eksportty damytý, kásipkerlikti ındýstralızatsııalaý jáne damytý máselelerimen aınalysady, dep habarlady oblys ákiminiń baspasóz qyzmeti.

Myrzalıev Meıirjan Iıabaıuly 1980 jyly týǵan, qazaq, joǵary bilimdi.

2002 jyly Qazaq gýmanıtarlyq zań ýnıversıtetin úzdikpen, 2006 jyly - M.V.Lomonosov atyndaǵy Máskeý memlekettik ýnıversıtetin, 2011 jyly - QR Prezıdenti janyndaǵy memlekettik basqarý akademııasy memlekettik saıasat ulttyq mektebin, 2016 jyly AQSh-taǵy Dıýk ýnıversıtetin támamdaǵan.

Eńbek jolyn 2003 jyly Almaty qalalyq ákimdiginde bas maman retinde bastap, 2008 jylǵa deıin bólim basshysy laýazymyna deıin túrli qyzmetter atqarǵan.

2008 jyldan bastap QR Premer-Mınıstriniń Keńsesinde túrli laýazymda eńbek etken.

 Úılengen, eki qyzy bar.

Qazaq, orys jáne aǵylshyn tilderin jetik meńgergen.