Qostanaı oblysy ákimdiginiń basqarma basshysy tergeýge alyndy

NUR-SULTAN. QazAqparat - Qostanaı oblysy ákimdiginiń basqarma basshysyna qatysty sotqa deıingi tergeý júrgizilýde. Bul týraly QR Sybaılas jemqorlyqqa qarsy is-qımyl agenttiginiń tergeýshisi Qaısar Barjaqsynov aıtty, dep habarlaıdy QazAqparat tilshisi.

«Qostanaı oblysynyń sybaılas jemqorlyqqa qarsy qyzmeti Qostanaı oblysy ákimdiginiń basqarma basshysyna qatysty sotqa deıingi tergeý júrgizýde. Ol maqsaty boıynsha paıdalanylmaǵan jer ýchaskesin memlekettik qorǵa májbúrlep alyp qoıý rásimin zańsyz toqtata otyryp, laýazymdyq ókilettigin asyra paıdalaný kúdigine ilikti», - dedi agenttik tergeýshisi.

Sonymen qatar Qaısar Barjaqsynov sot sanktsııasymen kúdikti laýazymdyq ókilettigin oryndaýdan ýaqytsha shettetilgendigin aıtty.