Qostanaı oblysy ákimdigi janynan Aqparattyq shtab quryldy
Bul týraly óziniń Facebook paraqshasynda Ortalyq kommýnıkatsııalar qyzmetiniń dırektory Asqar Omarov jazdy, dep habarlaıdy QazAqparat.
«Áriptester, Qostanaı oblysyndaǵy orman órtine baılanysty tótenshe jaǵdaıdyń jarııalanýyna oraı Qostanaı oblysy ákimdigi janynan Aqparattyq shtab qurylǵanyn sizderge habarlaǵym keledi.
Shtabtyń jumysyn Qostanaı oblysy ákiminiń birinshi orynbasary Ǵáýez Nurmuhambetov basqarady. Quramyna Tótenshe jaǵdaılar departamentiniń, Іshki ister departamentiniń, Prokýratýranyń jáne Qostanaı oblysy ákimdiginiń ókilderi, sondaı-aq jumysqa tartylǵan ózge de memlekettik organdar kirdi.
Aqparattyq shtab jumysynyń maqsaty aımaqtaǵy jaǵdaı týraly jedel jáne durys aqparatpen qamtamasyz etý bolyp tabylady. Bul úshin shtab órt sóndirýge, adamdardy qutqarý men evakýatsııalaýǵa, zardap shekkenderdi jańa oryndarǵa ornalastyrýǵa, quqyqtyq tártipti jáne azamattardyń múlkin saqtaýdy qamtamasyz etýge tartylǵan memlekettik organdardan kelip túsetin aqparatty úılestirý ókilettigine ıe»,-dep jazdy dırektor.
Onyń habarlaynsha, QR Prezıdenti janyndaǵy Ortalyq Kommýnıkatsııalar Qyzmeti Qostanaı oblysy Aqparattyq shtabyna tolyqtaı kómek kórsetýde, onyń ishinde ádistemelik qoldaý da berilýde.
Shtab Qostanaı oblysy boıynsha tótenshe jaǵdaı kezeńinde jáne jaǵdaı tolyq turaqtalǵanǵa deıin jumys isteıdi.
BAQ ókilderi jedel aqparatty Aqparattyq shtabqa habarlasý arqyly ala alady, jaýapty qyzmetkerdiń uıaly nómiri 8 (777) 796 00 50.