Qostanaı oblysynyń taǵy 14 aýdanyna qaýip tóndi

<p>ASTANA. KAZINFORM &mdash; Qostanaı oblysynyń qutqarýshylary óńirde sý tasqyny jaǵdaıy ýshyǵyp bara jatqanyn eskertti. TJD qyzmetkerleri jergilikti turǵyndarǵa úndeý jasady. Qardyń belsendi erýi men jaýyn-shashynǵa baılanysty 14 aýdan qaýipti aımaqqa engizildi.</p>

— Tótenshe jaǵdaılar departamenti «Qazgıdromet» RMK málimeti boıynsha 31 naýryzdan bastap Qostanaı oblysynyń aýmaǵynda aýa temperatýrasy kúndiz +20 gradýsqa deıin kóterilýi men aptanyń ortasynda túnde oblystyń soltústigi men shyǵysynda jańbyr jaýatynyn habarlaıdy. Osyǵan baılanysty, oblystyń ońtústik óńirlerinde sý tasqyny jaǵdaıynyń qaıtadan qıyndaý qaýpi joǵary, — delingen habarlamada.

Máselen, Qarasý, Áýlıekól, Naýryzym, Qamysty, Sarykól, Altynsarın, Meńdiqara jáne Uzynkól aýdandaryn sý basýy múmkin.

Buǵan qosa, Reseı Federatsııasynyń aýmaǵynan iri ózender arqyly sý aǵyny artýy múmkin.

Jitiqara, Denısov, Qostanaı, Qarabalyq, Fedorov aýdandary men Beıimbet Maılın aýdany sý aǵynynyń qaýipti aımaǵynda ornalasqan.

Aıta keteıik, Qostanaı oblysy sý tasqynyna baılanysty qıyn jaǵdaıǵa tap boldy.

Kúni keshe Arqalyq mańyndaǵy aýyldar sý astynda qalyp, Qostanaı irgesindegi Amangeldi aýylyn da sý basty. 

Jangeldi, Amangeldi aýdandary men Arqalyq qalasy da qıyn jaǵdaıda. Onda 28 naýryzda tótenshe jaǵdaı jarııalandy.

Aımaq basshysy Qumar Aqsaqalov sý tasqynynan zardap shekken turǵyndardyń shyǵynyn ákimdik óteıtinin aıtty.

Keıin Qostanaı oblysynyń ákimdigi keltirilgen shyǵynnyń qalaı esepteletinin jáne tólemniń qalaı júzege asyrylatynyn túsindirdi.

Qazir sý basqan aýmaqtardaǵy elektr qýatyn jáne kommýnıkatsııalardy qalpyna keltirý jumystary júrgizilip jatyr.

Jangeldi aýdany men Amangeldi aýdanynyń jartylaı eldi mekenderinde áli jaryq joq.

Tabıǵı apatpen kúreske aımaq belsendileri de atsalysty.