Qostanaı oblysynyń sharýalaryna tólenbegen 100 mıllıonǵa jýyq sýbsıdııa qaıtaryldy

<p>ASTANA. KAZINFORM &ndash; QR Memlekettik qyzmet isteri agenttigi departamentiniń aralasýynan keıin Qostanaı oblysynyń tórt sharýasy kópten kútken 92 mln teńge kólemindegi tólemderin aldy.</p>

Vedomstvo baspasóz qyzmetiniń habarlaýynsha, jergilikti sharýalar sýbsıdııanyń negizsiz tólenbegenin aıtyp, shaǵym túsirgen.

-Basqarma tarapynan sýbsıdııa almaǵan sharýalardyń aryz-shaǵymdary oblys ákimdiginiń aýyl sharýashylyǵy jáne jer qatynastary basqarmasynda júrgizilgen tekserýler kezinde qaralyp, zań buzýshylyqtar anyqtaldy. Sýbsıdııa bermeýdiń zańdy sebepteri tabylmady,- dep atap ótti baspasóz qyzmeti.

Tólemder satyp alynǵan pestıtsıdter men elıtalyq tuqymdarǵa qatysty. Nátıjesinde sharýalarǵa tıisti tólemderdiń barlyǵy tolyǵymen qaıtaryldy.

Osyǵan deıin Aqtóbe oblysynda alaıaqtar sýbsıdııaǵa bólingen 1 mlrd teńgege jýyq qarjyny jymqyrǵanyn jazdyq.