Qostanaı oblysyndaǵy jylý elektr ortalyǵynda 71 tehnologııalyq buzýshylyq anyqtaldy

<p>ASTANA. KAZINFORM &ndash; Qostanaı oblysyndaǵy energııa kózderinde 1,4 myńǵa jýyq tehnologııalyq buzýshylyq anyqtaldy, onyń ishinde bireýi - apatty jáne qalǵandary ártúrli dárejedegi aqaýlar.</p>

Kóptegen buzýshylyqtar «Qostanaı OEK» MKK JEO-2-de anyqtaldy. Sondaı-aq, «SSGPO» AQ JEO, ondaǵy tehnologııalyq buzýshylyqtar sany 2022 jylmen salystyrǵanda ózgermegen - 42 birlikti qurady (2022 jyly-44 buzýshylyq).

«Oblys boıynsha 4 JEO jumys isteıdi, onyń ishinde 2 JEO QR Energetıka mınıstrliginiń deregi boıynsha qaýipti aımaqta. Atap aıtqanda arqalyq JEO mazýt sharýashylyǵynda ornalasqan. Kásiporyn rezervte tur, ondaǵy negizgi jabdyqtyń tozýy 90% quraıdy. Sondaı-aq jumys istep turǵan kómirdegi jańa JEO-nyń tozýy shamamen 4% jáne «SSKÓB» AQ JEO-nyń tozýy 73,5% -dy quraıdy», - degen málimdeme jasaldy Qumar Aqsaqalovtyń qatysýymen ótken oblystyń energııamen qamtamasyz etý máseleleri jónindegi otyrysynda.

«SSGPO» AQ - «Elektr stantsııasy» fılıalynda №4 energetıkalyq qazandyqqa, №1, №2 týrboagregattarǵa jáne №6 generatorǵa kúrdeli jóndeý jumystary júrgiziletin bolady. Nátıjesinde tozý 4,3%-ǵa tómendeıdi dep kútilýde.

JEO-1-degi «Qostanaı otyn-energetıkalyq kesheni» MKK-nyń málimetinshe, týrbınaǵa, ystyq sý qazandyǵyna aǵymdaǵy jóndeý jáne №2 týrbınaǵa, bý qazandyǵyna jáne №4 ystyq sý qazandyǵyna kúrdeli jóndeý jumystary júrgiziledi. Jumys nátıjeleri boıynsha tozý 1%-ǵa tómendeıdi dep kútilýde. (66%-dan 65%-ǵa deıin). Osyndaı jumystar JEO-2-de de júrgizilmek. Sondaı-aq, jyly aýa raıynyń bastalýymen JEO-1-degi №2 temirbetondy murja jóndeledi.