Qostanaı oblysyndaǵy bir aýyl jańa jyldyń alǵashqy kúni jaryqsyz qaldy

<p>QOSTANAI. KAZINFORM &ndash; Elektr jelilerindegi apat saldarynan Qostanaı oblysyndaǵy Zarechnyı kenti jaryqsyz qaldy, dep habarlaıdy Kazinform tilshisi.</p>

Qostanaı oblysy ákimdiginiń baspasóz qyzmeti elektr jelilerindegi apat aýa raıynyń qolaısyzdyǵynan bolǵanyn habarlady.

— Saǵat 13.00 shamasynda jelide apat boldy, apatty joıý úshin 2 brıgada jumys istedi, - dep atap ótti ákimdikten.

Saǵat 16.43-tegi jaǵdaı boıynsha apattyń joıylǵany týraly habarlandy.

Osyǵan deıin Qostanaı oblysynda 15 aýyl alǵash ret ortalyq sýmen qamtylatyny habarlandy. 

- Bıyl sýmen qamtý jáne jabdyqtaý baǵytynda jalpy quny 20,0 mlrd teńgege 77 joba qolǵa alyndy. Sonyń nátıjesinde, 15 aýyl alǵash ret ortalyq sýmen jabdyqtaýǵa qosylady, 41 aýylda keshendi blok-modýlder men sý taratý beketteri ornatylady, sonymen qatar 4 aýyl men 4 qalada sýmen qamtý deńgeıi jaqsarady, - dedi Qumar Aqsaqalov óńirdiń áleýmettik-ekonomıkalyq damýy týraly esep bere turyp.