Qostanaı oblysynda órt shyǵyp, bes bala qaza tapty

<p>QOSTANAI. KAZINFORM &ndash; Qostanaı oblysynda órt sóndirýshiler oqıǵa ornynan bes balanyń denesin tapty.</p>

Qaıǵyly oqıǵa túnde bolǵan. Úı shatyry opyrylyp qulaǵan kezde onda eresekterdiń qaraýynsyz qalǵan 2011, 2016, 2018, 2019, 2022, 2023 jyly týǵan balalar bolǵan. Ókinishke qaraı, úıindilerdi tazalaý kezinde bes balanyń denesi tabyldy. 2011 jyly týǵan balalardyń úlkeni zardap shekken joq.

«Búgin saǵat 04:29-da Jitiqara qalasyndaǵy jeke sharýa qojalyǵynyń aýmaǵynda órt shyǵyp, saldarynan turǵyn úıdiń shatyry opyrylyp tústi. Qutqarýshylar oqıǵa ornyna 7 mınýt ishinde jetti, úı tolyǵymen órtke orandy. Jalyn saǵat 06:08-de aýyzdyqtalyp, tolyǵymen sóndirildi. Aldyn ala málimet boıynsha, balalardyń anasy keshkisin tanysyna ketken. Kúıeýi túrmede otyr», - dep habarlady oblystyq TJD.

Oqıǵanyń sebepteri anyqtalyp jatyr. Órt-tehnıkalyq zertteý taǵaıyndaldy. Apattar medıtsınasy ortalyǵy fılıalynyń psıhologtary týystaryna qajetti psıhologııalyq kómek kórsetip jatyr. 

Jergilikti atqarýshy organdar járdemdesip, barlyq qajetti kómek kórsetedi.

Oblystyq prokýratýra bul isti erekshe baqylaýǵa aldy. Olar sotqa deıingi tergeý bastalǵanyn, órttiń aldyn ala sebebi – úıdegi peshtiń qaraýsyz qalǵanyn málimdedi.

Oqıǵa ornynda oblys prokýrorynyń birinshi orynbasary Baýyrjan Bekbosynov júr.