Qostanaı oblysynda zardap shekken halyqqa áleýmettik kómek kórsetile bastady

<p>QOSTANAI. KAZINFORM &ndash; 29 naýryzda Qostanaı oblysynyń ákimi Q.Aqsaqalov tótenshe jaǵdaı rejımi jarııalanǵan óńirlerdegi sý tasqynyna qarsy is-sharalar jóninde Arqalyq qalasynda jedel shtab otyrysyn ótkizdi.</p>

Barlyq zardap shekken halyqqa áleýmettik kómek kórsetý bastaldy.

«Zardap shekkenderdiń barlyǵyna jedel túrde áleýmettik kómek kórsetý qajet. Halyq kútip otyrmaýy úshin búgin barlyq úılerdi aralańyz!» - dep tapsyrdy Qumar Aqsaqalov.

Búginge deıin barlyq úsh óńirde zalaldy óteý jónindegi aýdandyq komıssııalar qurylyp, quramyna barlyq qajetti ýákiletti organdar kirdi.

Shyǵyndy óteý baǵalaý júrgizilgennen keıin zańnamaǵa sáıkes júzege asyrylatyn bolady. Barlyq úsh aýdan úshin baǵalaýshy bolyp belgilengen «Stella» JShS-men kelisim-shart qol qoıý kezeńinde tur.

Shyǵyndy jergilikti bıýdjet esebinen óteý úshin zardap shekkenderden ótinishterdi jedel jınaý júrgizilýde.

Sonymen qatar, sý tasqynynan neǵurlym kóp zardap shekken «Qyzyl juldyz» aýylynyń turǵyndarynan 185 ótinish jınaldy. Olarǵa demeýshilik jáne qaıyrymdylyq kómek esebinen otbasynyń árbir múshesine 100 myń teńge, barlyǵy 18,5 mln teńge somasynda jedel kómek kórsetý týraly sheshim qabyldandy.

Jergilikti atqarýshy organdar halyqpen túsindirý jumystaryn júrgizedi. Oblys basshylyǵy halyqqa keltirilgen zalaldy óteý máseleleri jóninde kezdesýler ótkizdi.