Qostanaı oblysynda zańsyz satylǵan 168 mln teńgelik temeki ónimderi tárkilendi

<p>ASTANA. KAZINFORM &mdash; Qarjylyq monıtorıng agenttigi Qostanaı oblysynda temeki ónimderin sáıkestendirý quraldarynsyz ótkizý faktileri boıynsha 4 qylmystyq isti tirkedi.&nbsp;</p>

Anyqtalǵan temeki ónimderiniń jalpy somasy 168 mln teńgeden asady.

«Júrgizilgen reıdter barysynda sáıkestendirý quraldarynsyz temekiniń jarııa túrde satylǵany, sondaı-aq Qostanaı qalasynyń aýmaǵynda saqtaý oryndary anyqtaldy. Aınalymnan 290 myńnan astam qorap temeki alyndy», — delingen habarlamada. 

Zańsyz qyzmetti júzege asyrǵan 4 kúdiktige qatysty qylmystyq ister sotqa jiberildi. 

Sot olardy kináli dep tanyp, aıyppuldar men bas bostandyǵyn shekteý túrindegi túrli jazalar taǵaıyndady. 

Barlyq tárkilengen ónim joıylatyn bolady.