Qostanaı oblysynda taksı júrgizýshisin pyshaqpen qorqytqan adam 3,5 jylǵa sottaldy

<p>ASTANA. KAZINFORM &ndash; Bıylǵy qańtar aıynda Qostanaı oblysyna taksı júrgizýshisine shabýyl jasalǵan. Er adam júrgizýshini tonamaq bolǵan, al júrgizýshi polıtsııanyń patrýldik kóligin qaǵyp ketken.</p>

Oqıǵa 7 qańtarǵa qaraǵan túni bolǵan. Kóliktiń artynda otyrǵan mas adam júrgizýshiniń moınyna pyshaq kezep, 20 myń teńge kóleminde aqsha talap etken.

Biraq taksı júrgizýshisi ádeıi qatar kele jatqan polıtsııa kóligine soǵylǵan. Nátıjesinde qaskóı izin jasyrýǵa tyrysqanymen polıtsııa qyzmetkerleri ony ustap aldy.

Sot talqylaýy barysynda memlekettik aıyptaýshy oǵan múlki tárkilenbeı, 3,5 jylǵa bas bostandyǵynan aıyrý jazasyn taǵaıyndaýdy surady.

Jábirlenýshi men onyń ókili sottalýshynyń keltirilgen zalal men moraldyq shyǵyndy tolyq óteýin eskere otyryp, sottalýshyny qatań jazalamaýdy surady.

Sottalýshy kinásin moıyndap, shyn júrekten ókinip, jábirlenýshige keltirilgen materıaldyq jáne moraldyq zııandy óz erkimen ótegen.

Aıyptalýshy kinásin moıyndap, ókinip, jábirlenýshige keltirilgen materıaldyq jáne moraldyq zııandy óz erkimen ótegen.

Nátıjesinde sot sottalýshyny kináli dep tanyp, 3,5 jylǵa shartty túrde bas bostandyǵynan aıyrdy.

Úkim zańdy kúshine engen joq.