Qostanaı oblysynda sý tasqynynyń belsendi kezeńi aıaqtaldy
«Búgingi tańda oblys boıynsha sý tasqynynyń belsendi kezeńi aıaqtaldy. Negizgi sý qoımalarynda birtindep sý aǵyzýdy tómendete bastadyq. Máselen, Qaratomar sý qoımasynda sońǵy táýlikte sý aǵyzý sekýndyna 1 100 tekshe metrge azaıdy jáne sekýndyna 2 200 tekshe metr qurady. Sondaı-aq, Joǵary Tobyl jáne Jelqýar sý qoımalary boıynsha sý aǵyzýdyń tómendeýi baıqalady. Munyń syrtynda, ózenderdegi sý deńgeıi de tómendep keledi. Tobyl ózeniniń bas jaǵynda sońǵy táýlikte 71 sm-ge, Áıet ózeninde 91 sm-ge tómen túskendigi tirkeldi», - dedi ol Ortalyq kommýnıkatsııalar qyzmetindegi brıfıngte.
Onyń atap ótýinshe, Qarasý aýdanyndaǵy Timtýir, Qundyzdy jáne Qarasý ózenderindegi sý deńgeıiniń tómendeýi táýligine 13-ten 97 sm-ge deıin qurady.
«Oblystyń ońtústik bóligindegi Torǵaı, Dámdi jáne Qabyrǵa ózenderinde sýdyń áli de joǵary deńgeıi saqtalyp otyr», - dedi Arman Ábenov.