Qostanaı oblysynda sıntetıkalyq esirtki taratqan qylmystyq top quryqtaldy

<p>Qostanaı oblysynda polıtseıler sıntetıkalyq esirtki taratqan qylmystyq topty quryqtady, &ndash; dep habarlaıdy <a href="https://polisia.kz/qostanaj-oblysynda-politsejler-sintetikalyq-esirtki-taratqan-qylmystyq-topty-quryqtady/" target="_blank" rel="noopener">Polisia.kz</a>.&nbsp;</p>

Tórt kúdikti qamaýda otyr. Aldyn ala kelisý arqyly esirtkini zańsyz ótkizgeni úshin qylmys jasaǵandardyń múlki tárkilenip, on jyldan on bes jylǵa deıingi merzimge bas bostandyǵynan aıyrylady.

Qylmystyq istiń qatysýshylary aımaq aýmaǵynda “sıntetıkany” taratýmen aınalysqan.

Polıtseıler 300-den 500 grammǵa deıingi esirtki partııasyn jas erli-zaıyptylar zip paketterge salyp, shaǵyn doza jasap, odan ári “qoıyp ketý” arqyly taratqandyǵyn anyqtady.

Árqaısysynda osyndaı 30-40 paket bolǵan.

Qara naryqta sıntetıkalyq preparattyń jarty kelisi shamamen 15 mıllıon teńgen turady.

– Biz 300 gramnan astam sıntetıkalyq esirtkini, aqshany jáne travmatıkalyq qarýdy tárkiledik. Zattar boıynsha sot-hımııalyq saraptama taǵaıyndaldy. Qylmyskerlerdiń aıtýynsha, bul mefedron men PVP boldy, – dedi Qostanaı oblysy PD esirtki qylmysyna qarsy is-qımyl basqarmasynyń bastyǵy Nurjan Ahmetov.

Qostanaı oblysynyń PD ótken jyly zańsyz aınalymnan 430 keli esirtki, onyń ishinde 10 keliden astam sıntetıkalyq esirtki tárkilengenin atap ótti.