Qostanaı oblysynda shet elden kirgen 80 kólikti jalǵan qujatpen tirkegender tergelip jatyr

<p>ASTANA. KAZINFORM &mdash; Qarjylyq monıtorıng agenttiginiń Qostanaı oblysyndaǵy departamenti 83 aýyr salmaqty kólikti jalǵan qujatpen tirkep, tıisti salyǵyn tólemegenderdi anyqtady. Atalǵan fakt boıynsha sotqa deıingi is qozǵaldy. Bul týraly agenttiktiń baspasóz qyzmeti málimdedi.&nbsp;</p>

Belgili bolǵandaı, memleketke keltirilgen shyǵyn 591 mln teńge. 

Respýblıka boıynsha bastalǵan aýqymdy tekserý aıasynda Qostanaı oblysynyń birqatar turǵyndary 2020-2023 jyldar aralyǵynda Eýropadan Qazaqstan aýmaǵyna shet memleketterdiń shyǵarylǵan jyly týraly jalǵan aqparatty kórsetetin tirkeý kýálikterin paıdalanyp, júk kólik tirkemelerin ákelgeni anyqtaldy.

Aılasyn asyrǵandar kólikti bastapqyda tirkeý úshin tólenetin 7 mln teńgeni 700 myńǵa deıin tómendetip, salyq mólsherin meıilinshe azaıtqan.  

«Salyq kodeksine sáıkes, shyǵarylǵan kúni rastalǵan júk kólikteri úshin tólenetin soma 2500 AEK bolatyn edi, alaıda kúdiktiler jalǵan qujat arqyly 350 AEK tólegen» - delingen habarlamada.

Kúdiktilerdiń turǵylyqty jeri men qyzmettik úılerine tintý kezinde halyqaralyq júkqujattar, shot-faktýralar men kedendik tólemderdi tóleý túbirtekteri, kólik quraldaryn satyp alý kelisimsharttary, deklaratsııalar anyqtalyp, tárkilendi. 

Sot sanktsııasymen joǵaryda atalǵan kólikterge, sondaı-aq kúdiktilerdiń 1 mlrd teńgege jýyq múlkine tyıym salyndy.

Sotqa deıingi tergeý jalǵasyp jatyr.