Qostanaı oblysynda polıtseıler muz astynan eki adamdy shyǵaryp aldy

<p>16 jeltoqsan keshki saǵat 20:00 shamasynda 31 jáne 51 jastaǵy eki jergilikti turǵyn Shortandy ózeni arqyly úıge baratyn joldy kesip ótýge sheshim qabyldaǵan. Saldarynan muz opyrylyp sýǵa túsip ketti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Tórt polıtsııa qyzmetkeri oqıǵa ornyna 4 mınýt ishinde keldi. Qutqarý kezinde qutqarý trostary men jıletter paıdalanyldy.

«Tártip saqshylaryna tez áreket etý kerek boldy. Patrýldik polıtseıler Nurlan Shýkmanov pen Rýslan Kýjahmetov muz ústimen júrip, tereńdigi shamamen 6 metrlik sýǵa sekirdi.

Olar sýǵa ketken turǵyndardy tez arada joǵaryǵa qaraı ıterip, qalǵan eki polıtsııa qyzmetkeri kezek-kezek barlyǵyn sýdan jaǵaǵa shyǵarǵan trosty ustap turdy», — delingen ІІM habarlamasynda.

Er adamdardy jedel járdem alyp ketti. Olardyń jaǵdaıy turaqty. Qazir dárigerlerdiń baqylaýynda.

Polıtseıler sýǵa túsken formasyn aýystyryp, qyzmetin jalǵastyrdy