Qostanaı oblysynda órtengen úıden bir áıel qutqarylyp, 15 adam evakýatsııalandy

<p>QOSTANAI. KAZINFORM &ndash; Qostanaı oblysynda TJM qyzmetkerleri órt kezinde áıeldi qutqaryp, 15 adamdy evakýatsııalady</p>

Jitiqara qalasynyń 11-shaǵyn aýdanynda bes qabatty turǵyn úıdiń 1 qabatyndaǵy páterde órt oryn aldy.

- Shaqyrý ornyna jedel jetken órt sóndirýshiler janyp jatqan páterge asyqty. Qatty tútinge jáne joǵary temperatýraǵa qaramastan, órt sóndirýshiler páter ıesin tez taýyp, ony dalaǵa shyǵardy.

Sodan keıin qutqarýshylar zardap shegýshige alǵashqy medıtsınalyq kómek kórsetip, jedel járdem qyzmetine tapsyrdy, - dep jazdy TJM baspasóz qyzmetinen.

Sondaı-aq TJM kúshteri baspaldaq marshymen 15 adamdy, onyń ishinde 5 balany evakýatsııalady.

Órt 20 sharshy metr alańda sóndirildi. Sebebi anyqtalýda.