Qostanaı oblysynda kedeılik sheginen tómen turatyndar azaıdy

<p>ASTANA. KAZINFORM &ndash; Qostanaı oblysynyń ákimi Qumar Aqsaqalov óńirde kedeı turatyn halyqtyń azaıǵanyn aıtty.</p>

- Bıyl 11 aıdyń qorytyndysy boıynsha oblystyń makroekonomıkalyq kórsetkishteri boıynsha oń dınamıka baıqalady. Atap aıtqanda, aýyl sharýashylyǵy kólemi 19,4%, qurylys – 14,1%, jeke ınvestıtsııalar – 10,7%, saýda - 9,9%, kólik - 5,3%, turǵyn úıdi paıdalanýǵa berý - 4,1% ósti. Óńdeý sektorynyń kólemi 3,9%-ǵa tómendedi. Jalpy óńirlik ónimniń ósýi 1,7% qurady, - dedi Qumar Aqsaqalov óńirdiń áleýmettik-ekonomıkalyq damýy týraly esep bere turyp.

Ákimniń esebinshe, qostanaılyqtardyń ortasha jalaqysy - 329 131 teńge (13,3% ósken).

- Bıyl 17,0 myń jumys orny ashyldy, onyń ishinde 11,0 myń jumys turaqty. Osylaısha jumyssyzdyq 4,6%-ǵa tómendedi. Kedeılik sheginen tómen turatyn jáne ataýly áleýmettik kómek alatyn otbasylar sany aıtarlyqtaı azaıdy. Nátıjesinde, ataýly áleýmettik kómek alatyn otbasylar sanynyń tómendeý qarqyny boıynsha biz respýblıkada 2-orynda turmyz, - deıdi ol.

Eske sala keteıik, kúzde Memleket basshysy Qasym-Jomart Toqaev jumys saparymen Qostanaı oblysyna bardy.