Qostanaı oblysynda qar qursaýynda qalǵan 24 adam qutqaryldy

<p>QOSTANAI. KAZINFORM - Aýa raıynyń qolaısyzdyǵyna baılanysty Qostanaı oblysynyń qutqarýshylary kúsheıtilgen rejımde jumys istedi.</p>

Osylaısha, 5 aqpanda Qostanaı oblysyndaǵy Rýdnyı-Qashar-Fedorovka tasjolynda, Sarykól jaǵasynda jáne Arqalyq-Torǵaı tasjolynda TJD kúshterimen qar qursaýynda qalyp qoıǵan kólikterden 24 adam qutqaryldy. Qutqarylǵandarǵa medıtsınalyq kómek qajet bolǵan joq.

Osyndaı jaǵdaılardyń kóbeıýine baılanysty qutqarýshylar qys mezgilindegi qaýipsizdikti taǵy bir márte eske saldy.

Foto: Qostanaı oblystyq TJD

«Júrgizýshiler jolda shyǵar aldynda kóliktiń jaǵdaıyn muqııat tekserip, joldardyń jaı-kúıi týraly aqparatty qadaǵalaý kerek. Kún raıyna qatysty eskertý alǵan kezde, ásirese túnde jáne qolaısyz aýa raıynda eldi mekenderden tys jerlerge shyqpaý jáne uzaq qashyqtyqqa jaıaý júrýden aýlaq bolý kerek», - dep eskertti Qostanaı oblystyq TJD-dan.