Qostanaı oblysynda ınternette zııan keltiretin kompıýterlik baǵdarlama taratqan turǵyn sottaldy

<p>QOSTANAI. KAZINFORM &ndash;&nbsp;Qostanaı oblysy boıynsha UQKD jáne PD oblystyq prokýratýranyń úılestirýimen ınternet jelisinde zııandy baǵdarlama (vırýstardy) taratýmen aınalysqan 24 jastaǵy jergilikti turǵynnyń quqyqqa qaıshy áreketin toqtatty.</p>

Zııandy baǵdarlama ınternet paıdalanýshylardyń jeke derekterin (logınder, parolder, IP-mekenjaılar) alýǵa múmkindik berdi. Olardy ınternet-alaıaqtar qylmystyq jolmen paıda tabý úshin qoldana alady.

Sondaı-aq sotqa deıingi tergeý materıaldary qaskúnemniń zańsyz túrde zııandy baǵdarlamalar jasaýǵa úıretý boıynsha óz qyzmetterin satqanyn kýálandyrady.

Nº2 sot úkimimen ol QR QK-niń 210-babynyń 1-bóliminde (Zııan keltiretin kompıýterlik baǵdarlamalar men baǵdarlamalyq ónimderdi jasaý, paıdalaný nemese taratý) kózdelgen qylmysty jasaǵany úshin kináli dep tanylyp, bir jylǵa bas bostandyǵyn shekteýge, 100 saǵatqa májbúrli eńbekke jáne 15 AEK (55380 teńge) aıyppul salýǵa, barlyq kompıýterlik tehnıkany alyp qoıýǵa úkim shyǵaryldy.

Úkim zańdy kúshine endi.