Qostanaı oblysynda eki qyz ózenge batyp ketti
03:19, 16 Maýsym 2024
<p>QOSTANAI. KAZINFORM – Qostanaı oblysynda eki jasóspirim sýǵa batyp ketti.</p>
Qaıǵyly jaǵdaı Fedorov aýdanynyń Keneral aýylynda bolǵan. Qostanaı oblysy TJD baspasóz qyzmetiniń málimetinshe, 2014 jáne 2015 jyly týǵan qyzdar eresekterdiń qaraýynsyz, jabdyqtalmaǵan jerde shomylǵan.
Qutqarýshylar Úı ózeninen bir qyzdyń jansyz denesin shyǵardy. Ekinshi jasóspirimdi izdestirý jumystary jalǵasyp jatqany habarlandy.
TJD azamattardy sý aıdyndarynda qaýipsizdik erejelerin saqtaýǵa shaqyrady.