Qostanaı oblysynda eki aýyl kásipkerleri energetıkalyq sýsyn satýdan bas tartty

<p>Qostanaı oblysyndaǵy eki aýylda jergilikti 6 dúken energetıkalyq sýsyndar satýdy toqtatady. Mundaı sheshim kámeletke tolmaǵandar arasynda sýsyndarǵa suranystyń artýynan, sondaı-aq júk kóligi júrgizýshileriniń jol apattaryna jıi túsýinen qabyldanǵan, dep habarlaıdy Kazinform&nbsp;<a href="https://www.inform.kz/ru/ot-prodazhi-energetikov-otkazalis-v-dvuh-selah-v-kostanayskoy-oblasti-0369c6" target="_blank" rel="noopener">menshikti tilshisi.</a></p>

Energetıkalyq sýsyn satýdan tolyǵymen bas tartýdy Novotroıtsk aýyldyq okrýgindegi eki aýyl sheship otyr. Problema saýda núkteleriniń ókilderi shaqyrylǵan qoǵamdyq otyrysta talqylanyp, sheshim qabyldandy. Ony jınalǵandardyń barlyǵy biraýyzdan qoldady.

«Ideıany jergilikti ýchaskelik ınspektor usynǵan. Onyń aıtýynsha, sońǵy ýaqytta fýra júrgizýshileriniń arasynda eki ólim jaǵdaıy (júrektiń toqtaýy) tirkelgen. Al biz shekaraǵa jaqyn jerde ornalasqanbyz, olar dúkenderimizdiń janynda jıi toqtap jatady. Oǵan qosa, mektep oqýshylary da energetıkalyq sýsyndy jıi ishe bastady. Energetıkterdi satýdy toqtatý sheshimi qabyldandy. Qazir satýshylar qalǵan taýardy satyp bitiredi de, odan ári oǵan tapsyrys bermeıdi», - dep baıandady jergilikti qoǵam belsendisi Ámına Jaqypova.

Kásipkerler bul ıdeıany qoldady.

Eske salaıyq, Densaýlyq saqtaý mınıstri Ajar Ǵınııat Úkimet otyrysynda jasaǵan baıandamasynda elimizde 21 jasqa deıingi jastarǵa energetıkalyq sýsyndardy satýǵa tyıym salý josparlanyp otyrǵanyn aıtty.