Qostanaı oblysynda ań aýlaý maýsymy bastalǵaly jatyr

<p>ASTANA. KAZINFORM &ndash; Qostanaı oblystyq orman sharýashylyǵy jáne janýarlar dúnıesi aýmaqtyq ınspektsııasy mekemesiniń bólimi ań aýlaý merziminiń bastalaýyna qatysty túsinik berdi. Tıisti joldamalardy alýǵa ótinimder berilgen, olardyń arasynda sheteldik ańshylar da bar.</p>

Atap aıtqanda, kúzgi áýesqoı (sporttyq) ańshylyqtyń merzimi belgili boldy. Sonymen, bódeneni 2024 jylǵy 20 tamyzdan 30 qarashaǵa deıin, al qaz jáne úırekti aýlaý 31 tamyzdan 30 qarashaǵa deıin belgilendi.

Borsyq aýlaýǵa beriletin joldama 1 qyrkúıekten 15 qarashaǵa deıin, shilge – 7 qyrkúıekten 30 qarashaǵa deıin, qabanǵa 7 qyrkúıekten 31 jeltoqsany aralyǵynda, elik pen bulanǵa - 15 qyrkúıekten 31 jeltoqsanǵa deıin, sondaı-aq qarsaq, túlki, qoıanǵa joldama 1 qarashadan 2025 jyldyń 15 aqpanyna deıingi aralyqqa berildi.

«2024 jyly jergilikti ańshylardan basqa Eýropadan 36 jáne Reseıden 16 ańshy elik aýlaýǵa ótinish berdi», - delingen atalǵan mekeme aqparatynda.

Qostanaı oblysynda 109 ańshylyq sharýashylyǵy bar. Ańshy bir sharýa qojalyǵyna ruqsat alsa, basqasynyń aýmaǵynda ań aýlaı almaıdy. Sondaı-aq maýsym bastalǵanǵa deıin jáne aıaqtalǵannan keıin ań aýlaýǵa tyıym salynǵan.