Qostanaı oblysynda aldaǵy jyly tasqyn sý kóp bolady degen boljam bar

<p>QOSTANAI. KAZINFORM &ndash; Qostanaı oblysynda kelesi jyly tasqyn sý kóp bolady degen boljam jasaldy. Bul aldyn ala qorytyndy, al Qazgıdromet resmı gıdrologııalyq boljamdy 2025 jyldyń 1 aqpanyna qaraı shyǵarady. Aldaǵy maýsym týraly aqparatpen Qostanaı oblysynyń Tótenshe jaǵdaılar departamenti bólisti.</p>

Qazirgi kezde Qaratomar sý qoımasynan sý jiberý 40,0 m3/sek, tolý deńgeıi 85% quraıdy. Sý qoımalarynyń kólemi birshama azaıýda, bul jazdyń salystyrmaly túrde salqyn, jaýyn-shashynnyń kóp mólsheri jáne sý qoımasy betinen sýdyń býlanýynyń az bolýymen baılanysty.

«Qazaq sý sharýashylyǵynyń» málimetinshe, bıylǵy jyldyń vegetatsııalyq kezeńiniń sońynda sý qoımalarynyń qajetti bos kólemin qamtamasyz etý úshin aǵyzylatyn sý kólemi ulǵaıtylýy múmkin. Qaratomar sý qoımasynan 2024 jyldyń 16 qyrkúıeginen bastap josparly sý jiberý 50 m3/sek, 23 qyrkúıekte 70 m3/sek quraıdy», - dep málimdedi Qostanaı oblysy Tótenshe jaǵdaılar departamenti bastyǵynyń orynbasary Ómirjan Tuqyshev.

Joǵarǵy Tobyl jáne Qaratomar sý qoımalarynan sý jiberý kóleminiń josparly ulǵaıýyna (70 m3/sek deıin) baılanysty Tobyl ózeniniń alqabynda ornalasqan Qostanaı qalasyndaǵy «Sadovod saıajaı qoǵamdastyǵyn sý basý qaýpi bar. Aǵystyń tómengi jaǵyndaǵy gıdrobekettegi sý deńgeıi 404 sm, qaýipti deńgeıi – 600 sm.

Ótken kóktemde bolǵan sý tasqyny jaǵdaıyn eskere otyryp, muzdy qopsytý úshin jarylys jumystarynyń qajetti kólemin anyqtaý jumystary júrgizilýde. Qala jáne aýdan ákimdikterine jarylys kólemin kórsetý boıynsha ótinimder týraly suranys jiberildi.

Sondaı-aq, ınjenerlik jáne arnaıy tehnıka satyp alý jumystary júrgizilýde. Oblystyq bıýdjetke sáıkes, batpaqta júretin kólik pen shtattyq kólik satyp alý josparlanǵan.