Qostanaı oblysynda 89 eldi mekendi sý basý qaýpi bar

<p>QOSTANAI. KAZINFORM &ndash; Qostanaı oblysynda sý tasýy yqtımal kezeńiniń qaýipsiz ótýin qamtamasyz etý maqsatynda sý tasqyny kezeńinde tótenshe jaǵdaılardyń aldyn alý boıynsha is-sharalar jospary bekitildi.</p>

Sonyń aıasynda bıylǵy 1 naýryzdan bastap «Qazaqstan Ǵarysh Sapary» UK» AQ-men kelisimshart jasaldy. Oblystyq Tótenshe jaǵdaılar departamentine kún saıyn qar jamylǵysynyń ǵaryshtyq monıtorınginen sýretter kelip túsedi.

Sonymen qatar, oblystyń 6 aýdanyndaǵy (Jangeldın, Naýyrzym, Áýlıekól, Qarasý, Qamysty aýdandary jáne B. Maılın aýdany) 16 ýchaskede jarylys jumystaryn júrgizýge kelisim jasaldy. Ol naýryzdyń úshinshi onkúndigine josparlanǵan.

Qostanaı oblysynda sý basýy múmkin barlyǵy 89 eldi meken bar. Sońǵy jyldary júrgizilgen ınjenerlik-tehnıkalyq jumystardyń qorytyndysy boıynsha bes eldi mekende yqtımal sý basý qaýpi joıylyp, 48-de barynsha azaıtyldy.

Buǵan deıin belgili bolǵandaı, Qostanaıda sý tasqyny kezinde asa qaýipti aımaqtarda táýlik boıy jumys isteıtin gıdro beketteri jumys isteıdi.