Qostanaı oblysynda 500-ge jýyq sport nysany jaramsyz bolyp shyqty

<p>Qostanaı oblysynda nysandardy túgendeý barysynda sportpen aınalysýǵa jaramsyz 481 qurylym anyqtaldy, dep habarlaıdy<a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener"> Kazinform</a>.</p>

Buǵan stadıondar, sport keshenderi, shańǵy bazalary, hokkeı korttary, sport alańdary, basseınder men ıppodromdar kiredi.

- Túgendeý qorytyndysy boıynsha eń kóp jaramsyz obekt Arqalyq qalasy men Qostanaı aýdanynda anyqtaldy – 55, Qarasý aýdanynda – 49 jáne Uzynkól aýdanynda – 45. Qostanaı qalasynda tek eki ǵımarat jaramsyz bolyp shyqty, Lısakov qalasyndaǵy sport ǵımarattary tolyq saqtalǵan, - dedi oblystyq dene shynyqtyrý jáne sport basqarmasy basshysynyń mindetin atqarýshy Elena Kıreeva.

Oblysta barlyǵy 1343 sport nysany bar, onyń ishinde 25 stadıon, úsh sport saraıy, 52 sport kesheni jáne t.b. Sport mektepterinde 20 myńnan astam balalar men jasóspirimder oqıdy. Sondyqtan sport ǵımarattary oqý-jattyǵý jumystaryna ǵana emes, sonymen qatar oblystyq jáne aýdandyq jarystardy ótkizýge de paıdalanylady. Olardyń jaramdylyǵyn qamtamasyz etý úshin jyl saıyn jaz mezgilinde jóndeý jumystary júrgiziledi.

Qostanaı qalasyndaǵy Nazarbaev dańǵylynda ornalasqan №1 balalar men jasóspirimder sport mektebine jóndeý jumystaryn júrgizý josparlandy, jumys kólemi 846 mıllıon teńgeni quraıdy.

— Bıyl Qostanaı qalasyndaǵy «ıÝbıleınyı» shaǵyn aýdanyndaǵy jańa muz sporty saraıyn jylytatyn jáne salqyndatatyn ınjenerlik júıelerdi jetkizý jáne ornatý jumystaryn aıaqtaýdy josparlap otyrmyz. Jumystyń quny 109,2 mln teńgeni quraıdy,- dedi Elena Kıreeva.

Sonymen qatar, 2024 jylǵa arnalǵan bıýdjettik komıssııa 17,9 mln teńgeniń birqatar jobasyn qoldady. Jóndeý jumystary kúz-jaz mezgilinde júrgiziledi dep josparlanyp otyr.